അരുവിത്തുറ സെന്റ് ജോർജസ്സ് കോളേജിൽ സംഘടിപ്പിച്ച ഭക്ഷ്യ സുരക്ഷ സെമിനാറും പാചക തൊഴിലാളികൾക്കായുള്ള പരിശീലനവും പൂഞ്ഞാർ സർക്കിൾ ഫുഡ് സെഫ്റ്റി ഓഫീസർ സന്തോഷ് കുമാർ ജി എസ്സ് ഉദ്ഘാടനം ചെയ്യുന്നു.

അരുവിത്തുറ: ലോക ഭക്ഷ്യ സുരക്ഷാ ദിനാചരണങ്ങളോടനുബന്ധിച്ചു അരുവിത്തുറ സെന്റ് ജോർജസ്സ്‌ കോളേജ് ഫുഡ് സയൻസ്സ് വിഭാഗം പാലാ, പൂഞ്ഞാർ നിയോജക മണ്ഡലങ്ങളിലെ ഹോട്ടൽ ജീവനക്കാർക്കും പാചക തൊഴിലാളികൾക്കുമായി സൗജന്യ ഭക്ഷ്യ സുരക്ഷാ പരിശീലനവും ഭക്ഷ്യ സുരക്ഷാ സെമിനാറും സംഘടിപ്പിച്ചു. രാവിലെ 10 ന് ഭക്ഷ്യ സുരക്ഷാ സെമിനാറിന്റെ ഉദ്ഘാടനം പൂഞ്ഞാർ സർക്കിൾ ഫുഡ് സെഫ്റ്റി ഓഫീസർ സന്തോഷ് കുമാർ ജി എസ്സ് നിർവഹിച്ചു. കോളേജ് പ്രിൻസിപ്പാൾ പ്രൊഫ. ഡോ. സിബി ജോസഫ് അദ്ധ്യക്ഷത വഹിച്ച സെമിനാറിൽ ബർസാറും കോഴ്സ്സ് കോർഡിനേറ്ററുമായ റവ.ഫാ ജോർജ് പുല്ലുകാലായിൽ, വൈസ് പ്രിൻസിപ്പാൾ ഡോ. ജിലു ആനി ജോൺ, ഫുഡ് സയൻസ്സ് വിഭാഗം മേധാവി മിനി മൈക്കിൾ, ഹോട്ടൽ ആന്റഡ് റസ്റ്റോറന്റ് അസോസിയേഷൻ പ്രസിഡന്റ് ബിജോയി വി ജോർജ്ജ്, സെക്കട്ടറി ബിബിൻ തോമസ്സ് എന്നിവർ സംസാരിച്ചു. സുരക്ഷീതാഹാരം എല്ലാവരുടേയും ഉത്തരവാദിത്വം എന്ന വിഷയത്തിൽ പാലാ സർക്കിൾ ഫുഡ് സെഫ്റ്റി ഓഫീസർ സന്തോഷ് കുമാർ ജി.എസ്സും ഭക്ഷ്യസുരക്ഷയും നിയമങ്ങളും എന്ന വിഷയത്തിൽ പൂഞ്ഞാർ സർക്കിൾ ഫുഡ് സെഫ്റ്റി ഓഫീസർ നിമ്മി അഗസ്റ്റ്യനും ക്ലാസ്സ് നയിച്ചു. തുടർന്ന് കേരളാ ഹോട്ടൽ ആന്റ് റെസ്റ്റോറന്റ് അസോസിയേഷനുമായി സഹകരിച്ച് മീനച്ചിൽ താലൂക്കിലെ പാചക തൊഴിലാളികൾക്ക് ഭക്ഷ്യ സുരക്ഷാ പരിശീലനം നൽക്കി പരിപാടിയുടെ ഭാഗമായി ഭക്ഷ്യ സുരക്ഷാ വിഭാഗത്തിന്റെ സഞ്ചരിക്കുന്ന ഭക്ഷ്യ സുരഷാ ലാബ് സന്ദർശിക്കുന്നതിന് വിദ്യാർത്ഥികൾക്ക് അവസരമൊരുക്കി. പരിപാടികളുടെ ഭാഗമായി ബുധനാഴ്ച ക്യാപസ്സിൽ സുരക്ഷിതമായ  ആഹാരം ആരോഗ്യത്തിനാധാരം എന്ന വിഷയത്തിൽ സെമിനാർ സംഘടിപ്പിച്ചു. സെമിനാറിൽ കേന്ദ്ര ഫിഷറീസ്സ് ഡയറക്ററേറ്റിലെ മുതിർന്ന ശാസ്ത്രജ്ഞൻ ഡോ : റ്റി. വി.ശങ്കർ ക്ലാസ് നയിച്ചു.